Bigg Boss OTT 2 has started with a bang and we have all the interesting contestants participating in the show. We at Film Window, got a chance to do an exclusive interview with Manisha Rani.
Q. Pehle toh ye batao yeh Kya Naam de Diya hai one piece? Kyun diya gaya hai?
Ans. One piece ka matlab hota hai ki duniya mein uski tarah aur koi ho hi nahi sakta. And I feel and people feel that Manisha Rani ki tarah aur koi hoo he nhi sakta.
Q.Mujhe laga ki savdhan karna keliye ki koi asa contestant aa raha hai uske jane ke baad baaki contestants one piece main bachenge ya nahi?
Ans. Usse jyada better one piece ka yahi matlab hai. Shayad duniya mein mere se better ladki ho sakti hai mere se Sundar ho sakti hai lekin mere Jaisi koi nahi ho sakti.
Q.Toh issi confidence ke lagta hai log diwane hai aur jo apne Bigg Boss main promo me bol rahi thi ab jo bhi Bigg Boss mein aakar hum sabhi ko apna Diwana bana denge, toh aisi kya baat hai jisse logo ko lagega ki Manish Rani ko dekhna hai?
Ans. Kyunki hum ekdum pataka type ki ladki hai matlab Mera hi matlab life mein normali jo log mere sath rahte hain khud hi Aisa bolate Hain ki yaar tum Tum Rehti Ho To yaar din ban jata hai. Aur Aisa bhi nahin hai ki humko janbujhkar karte Hain kyunki ham Jo bhi karte Hain vah logon Ko itna jyada pasand aata hai aur vah log Meri har baat pe hanste hai. To Aisa Ho jata hai to I feel ki ham ek package hai pura entertainment ka. Aur humko kuch socha nahi payega Jaisi hai hum utna baithe bhi rahegi na aur sokar bhi uthenge na wo har ek cheez he mera mast hai. Mera style, mera andaz, mera latka, mera jhatka sab bawal.
Q. Are waah waah waah to Rani ka tag kyun mila hai apko mai jaan naa chahungi.
Ans. Actually Rani is my title bachpan se he mere maa baap ne rakha tha. Hoo sakta hai ki unn logo ko pata tha bachpan ma he ki ye ladki aage jakar rani banne wali hai aur sab pe raaj karne wali hai. To isiliye hi Shayad unhone Bachpan mein Naam Rani rakh Diya tha. Aur tab se hi Mera title Manisha Rani hogaya.
Q. To Rani, Raja dhundhegi kya Bigg Boss mein?
Ans. Are Raja to hum har din hi dhundh rahe hain apni jindagi mein jab mil jaaye tab pakad lenge.
Q. Abhi tak Mila nahi usse baat par Vishwas karna mushkil lag raha hai.
Ans. Shayad ho sakta hai ki Bigg Boss ke house ke liye abhi tak humko Raja nahin mila ki chalo Manisha Rani ko milega to vah andar hi milega.
Q. Manisha research karke to ja rahi hongi aap abhi se dekh kar kisi pe Dil aaya hai Kya?
Ans. Are sab ladko ko pahle hi search kar liye humko tension ho gaya ek bhi ladka single nahin hai sabka pahle se hi kuchh Na kuchh lafda hai kya bolu.
Q. Toh Manisha Rani ki bhi baat honi chahiye ki ladke ka Dil bhi aap par ajae Aisa kuchh karna padega na fir toh.
Ans. Haa waha dekhenge kiska Dil mujh per aata hai Mera Dil kis per aata hai, mera dil logo pe jaldi aa jata hai abb dekhe kya hota hai. I will try to control my Dil.
Q. Agar Bigg Boss mein jakar control hi karna pada to real Manisha kaha dikhegi?
Ans. Wo hum bol diye hai na control to humse ghanta nahi hone wala hai. Vah hum khud hi jante hai.
Q. Aap Ki family kaa reaction kaisa tha jab apko offer aya Bigg Boss se kyunki bohot pehle se apka Sapna Raha hai ki apko Bigg Boss karna hai.
Ans.meri family mein sab bahut khush hai everyone is very proud. In fact, mere Ghar me log mere gaon mera banners bhi laga rahe hai mere poster’s ka pamphlets bhi baat rahe hai. Waha ke liye bahut badi baat hai ki small town Shahar ki ladki yahan Tak gai hai Jahan per log sirf Big Boss ko ghar par baith kar dekhte hain lekin apne aap ko Big Boss mein dekhne ka koi soch bhi nahin Sakta. Aur vahan se jo yahan Tak ka ham journey Tay kiye Hain they are like very very happy UN logon ke liye yeh din ek festival jaisa ho gaya hai ki Manisha ghar mein ja rahi hai.
Q. Very true very true Manisha Jaise sab ne aapka naam suna Jaise Punjab se humne shehnaz Ko dekha up se Archana dekhi Nikki dekhi humne Rakhi Sawant ko dekha unn sab ka flavor log aap mein dhundhne lag gaye hai, kya kahogi iss par?
Ans. UN sab ka Flavor to aapko milega hi, may be ham UN sab se Better nikle.
Q. Entertainment ma agar aapko kaha jaaye to itni Big Boss ke season apne dekhe hai follow kiye Hain to aapki inspiration Kaun raha hai ki agar Bigg Boss mein contestant Ho to yaar Aisa Ho?
Ans. Ham sach kahe ki agar hum yeh baat bolenge to apko lagega ki yah apni bahut jyada hi tarif karti hai but ham apne aap ko samajhte Hain ki jis level ke ham entertainer hai uss level ke shayad. Dekho Rakhi Sawant bhi acchi entertainer hai no doubt bahut acchi entertainer hai shehnaz gill bhi bahut achcha entertain ki thi Archana bhi entertainer thi but vah ladti jyada thi usko ekadam Aisa pure entertainer nahi bol sakte. Real life mein jo Mera harkat hai na mujhe lagta hai ki inn sabse jyada entertaining hai.
Q. Kisi cheez Ko lekar Darr hai chaliye bindas to aap sound kar rahi hain lekin koi aisa kuch?
Honestly kehte hai yahan per ham itna sab bol liye mere ko dar bus itna sa is cheez ke liye hai ki ham life mein Na kabhi Aaj Tak kisi se ladai jhagda nahi hai matlab hum hamesha aise hi chedte Hai logon Ko Khush rahte hai pareshan karte hain Masti mein rehte Hain ladai jhagda matlab kabhi nhi kiye humne apni life mein aur yah hamara nature bhi nahin hai. Tum Mera Bus itna hai ki jo log yahan per ladaku log jo pahunchne Wale Hain usko ham thoda jab koi lade humse to ham use jawab de de soche nahin ham real life mein sochte Hain ki kisi Ko Bura Na Lage mere baat se hota hai na vah wala ki kisi Ko hurt Na ho kisi Ko dukh Na pahunche to vahan to log man bahan ek kar deta hai sochte nahin hai kuchh bhi han to vahi soch kar rakhe hain thoda use cheez ko lekar hum zyada achi na bane. Jaise ko taisa kare.
Q. Archana ka ek dialogue famous hua tha ki maar maar ka mor Bana denge aap ki aisi koi line hai jo sunane milegi hume?
Ans. Archana ka aap ek dialogue sune honge pure season mein Mera 100 dialogues trending ho jayega.
Q. To koi ek Abhi jaane se pehle…
Ans. Jaane se pahle Khel khelo Bihari se to tanik khelo hoshiyari se. That means agar koi humse Khel khelne ki koshish kar raha hai to beta Tum soch samajh ke khelo kyunki beta Tum Bihari Bihari ke sath Khel rahe ho.
Q. Salman sir se dar lag raha hai?
Ans. Tum par to pyar aa raha hai dar kya lagega.
Q. Acha to Phir sharmaengi aap Salman sir agar dant lagaenge to ya jawab dene ke liye taiyar hongi apne aap ke liye clarification dene ke liye?
Ans. Dekhiye jab woh datenge jaha ham galat nahin hai vahan to hum bolenge he kyon ki aapko aur hum galat nahin rahenge aur main bhi agar hamara Shayad galti Raha to, to juban to nahin ladenge kyunki hum vah nahin dekhenge ki vah Salman Khan hai vahan Sahi aur galat ka baat aaega aur Jahan ham Sahi rahenge to vahan ham apne liye ladenge galat rahega to fir ham theek hai hum Salman Khan jo bol rahe ho sahi hoga.
Q. Achcha to Matlab Salman sir bhi aapse dant kha sakte Aisa soch kar ke chale agar aap galat nahi hui toh?
Ans. Datenge to nahi par hum unko batayenge ki aap ki Jo yah Manisha Rani hai galat nahi hai Salman Khan ji. Aap jaisa soch rahe vaisi nahin hai aise ko batayenge hum pyar se.
Watch the exclusive interview below:
